Петдневно девојче, кое било спасено од одвод каде било оставено да умре во индискиот град Мумбај, се опоравува во локалната болница.

Лекарите од болницата Раџавади за Би-Би-Си изјавиле дека бебето е „добро“ и дека нејзиното здравје се следи.

Полицијата соопшти дека жителите го пронашле бебето откако група мачки се собрале на местото покрај патот и почнале да прават врева.

Надлежните истражуваат како бебето завршило во одводот.

Pantnagar P.stn received a call from a good samaritan that a baby, wrapped in cloth, was dumped in a drain. He was alerted when the neighbourhood cats created a ruckus. the baby was rushed to Rajawadi by the Nirbhaya Squad of Pantnagar P.Stn & is now safe & recovering. pic.twitter.com/nEGSDCD6wz

— Mumbai Police (@MumbaiPolice) November 15, 2021

Полицијата не шпекулира за можните мотиви, но за слични напуштања во минатото се обвинува фактот дека во Индија се претпочитаат синови. Жените често се социјално дискриминирани, а девојчињата се гледаат како финансиски товар, особено во сиромашните заедници.

Соодносот на половите во земјава е еден од најлошите во светот. Иако повеќето несакани женски фетуси се абортираат во илегални клиники, случаите на убивање или напуштање девојчиња по раѓањето исто така не се невообичаени.

Во последниот инцидент, бебето беше спасено во неделата, на 14 ноември, од полициски тим предводен од жени од предградието Мумбај.

Кога пристигнала полицијата, го нашла бебето како лежи во одвод. Тие рекоа дека бебето – облечено во тенка кошула и натопено во канализација – липало во неволја. Двајца полицајци потоа ја извлекле, ја завиткале во крпа и ја однеле во болница.

„Кога го извлековме бебето, беше ладно, рацете и беа сини. Побаравме малку топла вода и крпа за да го исчистиме бебето“ изјави полицаецот Шитал Сонаване за индискиот весник.