ФОТО | Непосредно пред концертот во Скопје, Јаков Јозиновиќ ја посети спомен-куќата на Тоше во Крушево
Хрватскиот пејач Јаков Јозиновиќ утре ќе настапи пред преполна сала во Скопје, откако беше објавено дека концертот во СЦ „Јане Сандански“ е целосно распродаден.
Препорачано
Во пресрет на својот прв настап пред македонската публика, Јозиновиќ веќе пристигна во земјава, а денеска го посети Крушево, родниот град на Тоше Проески.
Тој објави фотографии од спомен-куќата на легендарниот пејач, кого во повеќе наврати го има наречено свој идол.
„Тоа се огромни комплименти што ми значат. Тоше е човекот од кого научив како е да се биде добар човек, покрај тоа што беше еден од моите примери да учам и за музиката“, изјави Јозиновиќ во интервју за „Слободен печат“.
Големиот интерес за концертот во Скопје доаѓа по серијата импресивни успеси што младиот пејач ги бележи на регионалната сцена. Пред само една недела, тој за рекордни 20 минути ги распродаде билетите за деветтиот концерт во Сава центар во Белград, по што најави и јубилеен десетти настап.
ВИДЕОИНТЕРВЈУ | Јаков Јозиновиќ: Од Тоше Проески научив како да бидам добар човек
