ФОТО | Науката одлучи: Ова е најубавиот маж на светот!
Ѕвездата на „Bridgerton“ Реге Жан Пејџ е прогласен за најубав маж на светот, според древните научни истражувања. Утврдено е дека 34-годишниот актер со 93,65 отсто се совпаѓа со грчкиот сооднос за убавина Фи (Phi), со кој се мери физичкото совршенство.
View this post on Instagram
Крис Хемсворт од серијата „Men In Black“ го зазеде второто место со 93,53 отсто совпаѓање, трет е Мајкл Б. Џордан од филмот „Black Panther“ со 93,46 отсто, а пејачот Хари Стајлс е четврти со 92,30 отсто.
View this post on Instagram
Листата ја состави британскиот естетски хирург д-р Џулијан Де Силва кој за истражувањето ја користел најновата техника на компјутерско мапирање.
„Овие целосно нови техники за компјутерско мапирање ни овозможуваат да решиме некои од најголемите мистерии за тоа што го прави човекот физички убав, а технологијата е корисна и при планирањето на операциите на пациентите“, изјавил д-р Де Силва за „Дејли мејл“.
View this post on Instagram
Реге Жан Пејџ победи со 93,65 отсто бидејќи имал највисока оценка за растојание помеѓу очите, а и положбата на неговите очи му донела висока оценка.
„Тој има класично убаво лице и прекрасни кафеави очи. Неговите совршено обликувани усни исто така постигнаа висока оценка, а единствената пониска оценка што ја доби беше ширината и должината на носот“, откри д-р Де Силва.
На листата на најубави мажи се наоѓаат и Роберт Патисон, Крис Еванс, Џорџ Клуни, Двејн Џонсон, Хенри Гулдинг… Погледнете ја цела листа на објавата:
View this post on Instagram
Што е Фи, грчкиот златен сооднос на убавината?
Златниот сооднос се заснова на математичка равенка смислена од Грците во обид да се измери убавината, но всушност може да се примени на се. Тој тврди дека колку се поблиски пропорциите на лицето или телото до 1.618 (Phi), тие стануваат поубави.
Оваа постапка за мерење на убавината потекнува од европската ренесанса. Уметниците и архитектите користеле равенка позната како златен сооднос за да ги создадат своите ремек-дела. Соодносот може да се примени на што било, а го користел Леонардо Да Винчи во познатото дело Витрувијанскиот човек.
Оттогаш, научниците адаптираа математичка формула за да откријат што ја прави личноста убава. Се мерат должината и ширината на лицето на една личност, а претпоставката е дека, колку се поблиски пропорциите на лицето или телото до бројот 1.618 (Фи), толку е поубава личноста. Потоа се мери должината од линијата на косата на челото до местото помеѓу очите, како и од местото помеѓу очите и долниот дел на носот и од дното на носот до дното на брадата.
Личноста се смета за убава ако бројките се еднакви. Потоа се посветува внимание на симетријата и пропорциите на лицето. За некој да се смета за убав според златниот сооднос, должината на увото мора да биде еднаква на должината на носот, а ширината на окото мора да биде еднаква на растојанието помеѓу очите.
Разбивање на кодот на најпознатиот цртеж на Леонардо да Винчи