Актерката Елизабет Харли повторно успеа да го привлече вниманието на јавноста, но овој пат не станува збор за фотографија во бикини. Водителот и продуцент Шон Борг сподели фотографија направена во 1997 година, на која позира со Елизабет, нејзината пријателка и поранешна цимерка Џулија Вердин и озлогласената Гислен Максвел, пишува „Дејли мејл“.

 

View this post on Instagram

 

A post shared by Sean Borg (@seanpborg)

Шон откри дека тој и Џулија отпатувале во Њујорк на роденденска забава организирана од Тим Џефрис и Роберт Хансон. „Верувам дека Џулија престојувала во куќата на Гислејн Максвел и Џефри Епстин – не бев поканет. Сега тоа има смисла! Се сместив во хотелот „Пјер“, веднаш по улицата каде што Роберт го имаше својот стан и каде што се одржа забавата. Ноќта блескаше како на филм“, ја започна својата објава.

Тој исто така откри дека на раскошната забава биле присутни познати модели, меѓу кои и Наоми Кемпбел.

Харли во тоа време беше на врвот на својата кариера, по премиерата на „Четири свадби и еден погреб“ во 1995 година, а Борг тврди дека целата вечер ја поминала со нив. „Бев опседната со нејзината убавина. Додека позиравме за фотографирање, таа ме праша: „Шон, дали косата ми стои добро?“ Се насмеав: „Душо, се шегуваш?! Совршена си!““, се присети тој, пред да зборува за позадината на фотографијата што ја објави. Рече дека тој, Џулија, Елизабет и Гислејн, која во тоа време веќе била во врска со Џефри, биле дел од истата група.

„Ги памтам смеата и шегите… Премногу се безобразни за да ги објавам. Џулија и Елизабет беа пријателки со години, исто како Џулија и Гислен“, рече тој.

На забавата, тој се сретна и со Епстин, осуден сексуален престапник. „Епстин беше само уште еден гостин: арогантен, но не и сомнителен. Гислејн беше шармантна, забавна, насмеана, во нејзината препознатлива златно-обоена ролка. Кој знаеше што носи иднината? Гледајќи наназад, тие насмевки не изгледаат исто. Имам фотографии од Епстин,  но тие се складирани со негативи и купишта фотографии од моите архиви од ерата на забавите, кога Џулија и јас доминиравме на општествената сцена. Џефри често беше млак – што сега има смисла, со оглед на тоа што ги познавав речиси сите новинари од шоубизнисот од тука до Тимбукту. И никогаш не бев поканет на островот, ниту во неговата мала црна книга – фала му на Бога!“, напиша Шон.

Гислен ја запознала актерката и филмска продуцентка Џулија Вердин во средината на 1980-тите и тие станале најдобри пријателки. Вердин и Харли биле исто така блиски, делејќи куќа во Лос Анџелес од 1992 до 1995 година. „Гислен беше дел од животот на Елизабет со години“, изјавил извор за „Дејли мејл“.

Епштајн беше уапсен во јули 2019 година под обвинение за трговија со малолетници заради сексуална експлоатација. Тој си го одзеде животот во затвор еден месец по апсењето. Максвел беше прогласена за виновна во 2021 година по пет точки од обвинението за трговија со луѓе заради сексуална експлоатација. Таа треба да биде ослободена во 2037 година.