Светскиот супермодел Наоми Кемпбел присуствуваше на годишната воена парада за Денот на Бастилја во Париз, придружувајќи ѝ се во текот на церемонијата на сопругата на францускиот претседател, Брижит Макрон.

Необичниот спој на дами, кои потекнуваат од сосема спротивни светови, неспорно е заедничката склоност кон добриот стил, па на оваа средба не очекувавме ништо помалку од префинета елеганција.

Некои стајлинзи никогаш не излегуваат од мода, а фустанот од твид дефинитивно е онаа класика која обезбедува безвременски шик. Наоми тоа многу добро го знаела, избрајќи го совршениот мини фустан на „Луј Витон“ во пастелен твид за ноќно излегување на Елисејските полиња. Останувајќи верна на француската модна куќа, таа го дополнила фустанот со бели чизми од „Луј Витон“ и чанта со истакнато лого на брендот на копчето.

Од друга страна, Брижит избрала макси фустан со синџир принт, кој го красела панделка на вратот. Појасот со истиот дезен суптилно ја истакнал нејзината половина. Првата дама на Франција го заокружила својот изглед со високи потпетици со црн и златен принт. Многу шик!

Брижит Макрон блескаше на изборната ноќ: Првата дама на Франција повторно со впечатлив стајлинг

ФОТО | Наоми крадеше воздишки на Кан: Раскошен фустан со длабоко деколте

ФОТО: Брижит Макрон ја воодушеви јавноста со оваа модна комбинација