Хрватскиот претставник на Изборот на песна за Евровизија ја воодушеви Европа со својата песна „Рим тим таги дим“ и моќниот настап за време на првото полуфинале.

Пејачот Марко Перушиќ (28), попознат како Бејби Лазања, ги освои симпатиите на бројните евровизиски фанови, но и на неговите колеги од музичката сцена.

Еден од нив е и поранешниот евровизиски победник Александар Рибак, кој ѝ ја донесе победата на Норвешка во 2009 година со веќе култната „Fairytale“. Тој ја преработи хрватската песна и направи своја верзија со виолина, па ја објави на социјалните мрежи.

„Оваа песна е одлична за вежбање виолина и мислам дека Хрватска победи во синоќешното полуфинале! Дали се согласувате?“, напиша Рибак во описот на видеото.

@alexrybakofficial This song is great for 🎻 violin practice, and i think #croatia🇭🇷 won yesterdays semi final! Do you think so too?🤓 #rimtimtagidim #eurovision #babylasagna #alexanderrybak #violin #violincover @The Baby Lasagna Official ♬ Rim Tim Tagi Dim – Baby Lasagna

Да потсетиме, Хрватска е убедлив фаворит на годинашната Евровизија. Според обложувалниците, Бејби Лазања има 38 отсто шанси за победа, наспроти второпласираниот швајцарски претставник Немо, кој има само 16 отсто шанси за победа.