Брижит Макрон блескаше на изборната ноќ: Првата дама на Франција повторно со впечатлив стајлинг
Благодарение на новата победа на нејзиниот сопруг на претседателските избори, Брижит Макрон сè уште може да се пофали со улогата на прва дама на Франција, а на изборната ноќ го привлече вниманието со својот моден избор.
На претседателските избори во Франција и овојпат победи Емануел Макрон, а за време на изборната ноќ најголема поддршка му даде 69-годишната сопруга.
View this post on Instagram
По тој повод, поранешната професорка по француски се појави во темно син костум, во кое доминираше јакна во војнички стил со детаљ од сребрена кожа на јаката и копчињата.
За нејзиниот изглед бил задолжен дизајнерот Николас Гескиер од Луј Витон, чии креации сака да ги носи во сите прилики.
Повеќе внимание од костумот привлече со изборот на впечатливи салонки, кои исто како и комплетот се со потпис на луксузната француска модна куќа. Елегантниот стајлинг го надополнила со блескави обетки и до половина подигната фризура. Како и неговата сопруга, „новостариот“ претседател на Франција носеше костум во иста нијанса.
Љубовта на Емануел и Брижит Макрон: И покрај критиките, го дочекаа вториот мандат во среќен брак