ФОТО | Македонските познати личности ги слават Бадник и Божиќ: Каде падна паричката?
Најрадосниот христијански празник Божиќ сите го чекаат заедно со најблиските во кругот на семејството, а за Бадник подготвуваат богата посна трпеза на која централно место има бадниковото лепче во кое има паричка. На оној што ќе му се падне паричката на Бадник, се верува дека цела година ќе го следи благосостојба и бериќет.
И македонските познати личности ги слават Бадник и Божиќ и ја почитуваат празничната традиција. Некои од нив објавија фотографии и видеа на своите профили на Инстаграм за да ја доловат бадниковата атмосфера и да покажат кој бил среќлија синоќа.
Пејачката Андријана Јаневска објави дека паричката се паднала кај неа.
Даниел Кајмакоски на својата инстаграм-приказна објави преслатко видео од неговиот новороден син Стефан и парче од бадниковото лепче со паричката.
Елена Ристеска објави фотографија од својата убава внука со паричето в рака на која напиша: „Паричето кај златото на тета“.