ФОТО | Македонската јавност се прости со Маестро Џамбазов: Нема повеќе сенки за тебе, патувај кон светлината!

Александар Џамбазов/Инстаграм

Вчера почина македонскиот композитор и диригент, Александар Џамбазов. Веста за неговата смрт ги погоди сите од македонската сцена, а јавноста изразуваше сочувство преку социјалните мрежи, споменувајќи го големиот Маестро како особено инспиративен и важен дел од нивните животи.

На инстаграм профилот на неговиот син, глумецот и шоумен Игор Џамбазов, се нижеа емотивни пораки и објави од домашните музичари, композитори, јавни личности кои му оддадоа последна почит на починатиот композитор, со зборови за утеха и поткрепа до семејството.

Игор несебично ги споделуваше со своите следбеници, а дел од нив запишаа и трогнувачки спомени поврзани со Александар. Личности кои споделија се пејачката Калиопи, актерката Весна Петрушевска, претседателот Стево Пендаровски, пејачката Маја Вукичевиќ, новинарката Ана Зафирова, музичарот Никола Перевски-Пере, многубројни пријатели, медиуми и портали.

Весна Петрушевска на свojoт инстаграм профил запиша:

„Единствениот маестро за мене во мојот живот, кроток, мил, зборлест, духовит, вечно вљубен во својата Анче, постојано загрижен за своите Тања и Игор…Што седења сме си имале пред Воена болница кога Игор имаше проблеми со здравјето, колку тајни ми има кажано за македонските пејачи затоа што бев многу љубопитна. Секогаш имаше по некој виц да ти раскаже и по некоја приказна од својот арсенал…Те сакам мој мој маестро и треба да си во алејата на великаните без збор!!!“

На својот профил, и претседателот Стево Пендаровски изрази сочувство со емотивна порака:

„Маестро Александар Џамбазов трајно ја задолжи македонската музичка уметност и култура.
Автор на класична, хорска, филмска, театарска, детска и поп музика. Голем композитор и врвен диригент, кого го красеше ведар и благороден дух.
Вечен спомен и нека почива во мир.“

Поп дивата Калиопи го испрати со следниве зборови:

„Чичко Ацо мој…
Маестро,
Бескрајно му благодарам на животот што те имав како свој музички татко… Патувај мирно кон бесконечноста…
Те сака твоја Опи“

 

View this post on Instagram

 

A post shared by Kaliopi (@kaliopi_official)

Зборови со тага и голема почит споделија и Пере од Нокаут, Маја Вукичевиќ, новинарката Ана Зафирова и многу портали, медиуми и фејсбук страници кои се почитувачи на македонските трајни вредности.

 

View this post on Instagram

 

A post shared by Nikola Perevski (@perrenokaut)

 

View this post on Instagram

 

A post shared by Maja Vukicevic (@mayavukicevic)


Почивај во мир и вечна ти слава, Маестро!

Почина Александар Џамбазов: Последен поздрав маестро

ВИДЕО | Сестрата на Игор Џамбазов сподели трогателна објава: Преубави времиња, посебен човек, тато!

ФОТО | Љубовната приказна на Александар и Анче Џамбазови: Раскошни љубов и талент кои се паметат

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот