ФОТО | Седум милиони цвеќиња: Се отвора една од најубавите цветни градини во светот
Наскоро се отвора една од најубавите ботанички градини во светот. Тоа е Кеукенхоф во Холандија, кој е познат и како Градината на Европа.
Ова е една од најголемите цветни градини во светот, која се протега на 32 хектари. Таму секоја година се садат над 7 милиони цвеќиња, од кои 800 се лалиња, најпознатите цвеќиња во Холандија. Исто така, Кеукенхоф со години се вбројува меѓу најубавите места во светот.
Градината Кеукенхоф се наоѓа во Лисе, во регионот Боленстрик и е на кратко растојание од туристичките градови како Амстердам и Харлем. Ова го прави идеално место за еднодневно патување и привлекува над милион гости секоја година.
Инаку градините во Холандија, постојат од 1949 година, а за посетители се отворени само од крајот на март до почетокот на мај. За тој краток период, Кеукенхоф секоја година успева да привлече повеќе од милион луѓе. Освен со лалиња, четирите павилјони на Кеукенхоф се украсени и со колекција од зумбули, нарциси, орхидеи, рози, каранфили, ириси, лилјани…
Годинава Кеукенхоф ќе биде отворен за посетители од 23 март до 14 мај, и ќе работи со ограничен капацитет во текот на денот и времето на влегување во паркот. Затоа е мудро да си резервирате билет однапред.
