Манекенката Хејли Бибер пред неколку дена завршила во болница поради здравствени проблеми поврзани со мозокот, односно имала симптоми слични на мозочен удар, објави „TMZ“.

„Во четвртокот наутро седев на маса и појадував со сопругот кога почувствував симптоми слични на мозочен удар и веднаш отидов во болница. Таму утврдија дека имам мало згрутчување во мозокот до кое дошло поради недостаток на кислород. Згрутчувањето сепак помина и закрепнав за неколку часа. Иако ова беше најстрашниот момент во мојот живот, сега сум дома и сум добро. Благодарна сум им на прекрасните лекари и медицински сестри кои се грижеа за мене. Благодарна сум им на сите кои ми се јавија со убави желби“, стои во нејзиното официјално обраќање до јавноста.

Извори блиски на 25-годишната манекенка откриле дека, после сè, таа има проблеми со движењето и дека оди на испитувања кои треба да ја откријат причината за нејзините проблеми. Лекарите веруваат дека е можно симптомите да се поврзани со ковид-19, а познато е дека нејзиниот сопруг Џастин Бибер неодамна го прележа вирусот.

Џастин Бибер е позитивен на ковид-19: Пејачот ја одложи светската турнеја „Justice“