ФОТО | Глетка пред детска болница во Белград го расплака регионот: Татко во снегот остави трогателна порака за синот
Србија од вчера е прекриена во бело, а на социјалните мрежи се прошири фотографија, односно порака оставена на снег. И ги разнежи сè.
Еден татко смисил оригинален начин да го израдува својот син кој се лекува во Универзитетската детска клиника во Тиршова, Белград. Трогателната порака ги растопи и најтврдите срца и за кратко време се прошири низ социјалните мрежи.
„Те сакам сине“, напишал еден татко на снегот, за да го израдува детето, да покаже дека е тука, дека мисли на него.
Оваа трогателна порака и фотографија е објавена на страницата на Инстаграм Дневна доза Белград.
„Господе, да оздрави малиот што побргу“, „Најсилната и најчиста љубов е кон детето“, „Прекрасно. Не можам да ги сопрам солзите“, „Се надевам дека малиот ќе излезе од клиника жив, здрав, директно кај својот татко“, „Се расплакав, за добро да биде“, се само дел од коментарите.
Фотографијата ја сподели и страницата на „Србија лајв“ на Инстаграм, а таму постојано доаѓаат коментарите:
„Никогаш повеќе да не се врати во болница. Вашата порака ќе му даде сила да надмине сè. Прекрасно е да се има таков татко“, напишал еден корисник.
„Со еден збор, тоа е вистински родител, тоа е љубов“, додал друг.
„Каква огромна природна емоција… нека синот оздраве што побрзо.“