Елизабет Харли продолжува да ги воодушевува своите следбеници со фотографии во минијатурни бикини. Сончевиот вторник го помина покрај базен и им се обрати на фановите со порака: „Среќен вторник“.

На фотографиите, актерката позира во портокалово бикини што го истакнува нејзиното бујно деколте и витката фигура. Во истиот тон носеше и кошула, како и едноставни обетки.

Харли, која во моментов престојува во Тенеси, во домот на новиот дечко Били Реј Сајрус, не можеше да го сокрие воодушевувањето од својот избор на облека и позираше со широка насмевка.

Актерката неодамна проговори за „обичниот живот“ што го живее со Били, шест месеци откако јавно ја открија својата врска. Таа рече дека двајцата се „многу среќни“ и дека, и покрај нивната слава, нивното секојдневие не е толку гламурозно како што мислат обожавателите. Наместо на раскошни забави и настани, парот се опушта со „обични“ активности – одење во продавница и набљудување птици.

Актерката откри и дека му ја шиша косата на својот партнер, а кога одат заедно во пазарување, Били останува во автомобилот – не затоа што би го опседнале фанови, туку затоа што „би му било здодевно“.

Слободното време го поминуваат и со семејствата. Харли раскажа дека ќерката на Били, Мајли Сајрус, веќе го запознала нејзиниот син Демијан.

„Децата на Били се прекрасни, а тој помина многу време со Демијан. Сите се сакаат меѓусебно, многу е убаво“, рече актерката.

Таа додаде дека уживаат во набљудување птици, а претходно откри и дека заедно веќе посвoиле две миленичиња – желки.