ФОТО | Елена Ристеска ја честита 2024 година: Повеќе почит и толеранција меѓу нас…
Македонската пејачка Елена Ристеска ја одбележа изминатата година со бројни успешни настапи, но во медиумите беше актуелна и по еден немил настан, откако избегна напад со тврд предмет во еден од познатите скопски локали.
Сега, со објава на својот инстаграм-профил, пејачката одлучи да им ја честита Новата година на нејзините обожаватели посакувајќи им повеќе почит и толеранција.
Покрај новогодишната честитка, таа сподели и неколку фотографии од неа, во една од модните комбинации на неодамнешните настапи низ Македонија.
„СРЕЌНА НОВА 2024та ГОДИНА! Оваа година ви посакувам помалку стресови и анксиозности, помалку болести, помалку трагедии и стравови, помалку лоши работи од претходната година.
Ви посакувам повеќе среќа која носи здравје, мир, хармонија, радости, успеси, бериќет, повеќе грижа за своите луѓе и работи, повеќе почит и толеранција меѓу нас, повеќе концерти и нова музика, повеќе љубов, повеќе почитување на македонската музика и артисти, повеќе грижа за животните, повеќе грижа за жените и децата-најкревката категорија на граѓани, повеќе квалитетен живот и почист воздух во нашата земја и уште многу убавини кои од срце искрено ги мислам“, напиша Елена.
Пејачката Елена Ристеска ноќеска нападната од женско лице во „Интермецо“