Џастин Бибер и неговата сопруга Хејли повторно го привлекоа вниманието на јавноста со ретка размена на нежности на роденденската забава на Кендал Џенер за нејзиниот 30-ти роденден, пишува „Пејџ сикс“.

Поп-ѕвездата објави романтична фотографија на Инстаграм, на која Хејли го бакнува, додека тој со широка насмевка ја прегрнува. На фотографијата се гледа и декорацијата со балони на кои пишува „Среќен роденден Кендал“ (Happy Birthday Kendall).

 

View this post on Instagram

 

A post shared by Justin Bieber (@lilbieber)

Хејли, за таа прилика облече впечатлив мини фустан со животински принт, додека Џастин, 31, се појави во опуштено издание со бела маичка и беж панталони.

Гламурозната забава се одржа на луксузниот остров Мистик, а меѓу гостите беа и познати личности како моделот Џастин Скај и семејството Кардашијан-Џенер — Ким, Клои, Кајли и нивната мајка Крис Џенер.

Кендал Џенер носеше свилен макси-комплет со дизајн на Дрис ван Нотен, со топ врзан преку градите и вратот, со што уште еднаш докажа дека е модна икона.

Откако годинава се соочија со неколку приватни предизвици, изгледа дека Џастин и Хејли повторно уживаат во хармонија. Пејачот неодамна проговори за емотивен момент за време на раѓањето на нивниот син Џек Блуз, признавајќи дека се почувствувал изоставено додека сакал да ѝ даде поддршка на сопругата.

„Инстинктивно беше да бидам покрај неа, да ја утешам. Сакав да бидам вклучен“, откри Бибер.