ФОТО | Десет илјади луѓе ја дочекаа летната долгодневица кај Стоунхенџ
Околу 10.000 луѓе се собраа да ја дочекаат летната долгодневица кај познатиот мегалитски споменик Стоунхенџ, пренесува „Би-би-си“.
Препорачано
Низ толпата народ, се придружија и друидите и паганите за да го одбележат најдолгиот ден во годината на праисторискиот локалитет во Солсбери, Вилтшир.
Сонцето изгреa зад влезот во кругот од камените блокови, а зраците на светлината продрea во центарот на споменикот. Карактеристичната форма на камените блокови на Стоунхенџ беспрекорно се усогласува со изгрејсонцето во лето и со зајдисонцето во зимата.
Ова е втор настан на прославување на летната долгодневица по пандемијата на Ковид-19. Многу луѓе од целиот свет допатуваа за да го прослават овој неверојатен момент на природата покрај мегалитските камења.
Во исчекување на фантастичното изгрејсонце, луѓето ги допираа и прегрнуваа камените блокови. Импресионирани од глетката тие постојано се фотографираа. Многумина за „Би-би-си“ изјавија дека нивните очекувања се надминати, велејќи дека ова е фантастично искуство кое досега не го доживеале.
Се верува дека летната долгодневица се прославува илјадници години кај Стоунхенџ, мегалитскиот споменик од праисторијата.
