Кошаркарите на Пелистер го завршија настапот во Купот на Македонија по поразот од Куманово во четвртфиналната пресметка, меч што мина во жестока атмосфера и со прекин, а проблеми имало и по завршувањето на средбата.

На враќањето кон Битола дел навивачите на Чкембари предизвикале инцидент во локал на автопатот Скопје – Велес.

Според присутните, инцидентот започнал откако навивачите забележале обележје на Вардар кај девојче кое било во локалот. Во обид да ѝ го одземат симболот, ситуацијата ескалирала, при што биле нападнати и други лица што се нашле во објектот. Неколкумина се здобиле со телесни повреди, дел од нив биле и малолетни лица.

Исто така во инцидентот оштетено било и едно возило кое останало без таблици, а свои пораки навивачите оставиле и на ознаките пред локалот.

МКК Куманово го совлада Пелистер, познати полуфиналните двојки во Купот