Фудбалскиот свет секогаш со нетрпение ја очекува свечената церемонија на 22 септември, кога магазинот „Франс Фудбал“ ќе ја додели најпрестижната индивидуална награда, „Златната топка“ за 2025 година. Денеска беше објавен и списокот на 30 номинирани фудбалери кои ќе влезат во трката за ова високо признание.

Гала-настанот ќе се одржи во Париз, а меѓу номинираните се најдобрите имиња од светскиот фудбал во изминатата сезона.

Според првичните прогнози, во најтесниот круг за освојување на трофејот се наоѓа Осман Дембеле, офанзивецот на Пари Сен-Жермен, кој важи за водечки фаворит. Веднаш зад него е „вундеркиндот“ на Барселона, Ламин Јамал, додека меѓу потенцијалните добитници се и неговиот клупски колега Витиња, како и Килијан Мбапе.

Од друга страна „вечните ривали“ Кристијано Роналдо и Лионел Меси не се помеѓу номинираните.