Белата куќа објави фотографија на која е прикажан американскиот претседател Доналд Трамп како заедно со пингвин оди низ снег, при што пингвинот носи американско знаме, додека во далечината се гледа знамето на Гренланд на падината на планина.

На фотографијата, објавена на официјалниот налог на Белата куќа на мрежата Икс, се гледа снежен, леден предел со планини во позадина и широка бела рамнина во преден план, со опис „Прегрни го пингвинот“.

Пингвините природно се распространети исклучиво на јужната хемисфера, првенствено на Антарктикот и на југот на Латинска Америка, Африка, Австралија и Нов Зеланд, додека на северната хемисфера, вклучувајќи го и Гренланд, нема таков вид птици.

Трамп не се откажува од контролата над Гренланд

Трамп во изминатите недели повеќепати повтори дека САД мора да добијат контрола над Гренланд, нагласувајќи дека тоа арктичко острово е „клучно за американската безбедност“, со предупредување дека САД ќе го „добијат на овој или на оној начин“.

Сепак, во средата, за време на говорот на Светскиот економски форум во Давос, ја отфрли можноста за користење сила, а потоа се откажа и од заканата за воведување казнени царини против осум европски земји, кои претходно ги најави со цел да изврши притисок.

Трамп во објава на својата социјална мрежа „Truth Social“ потврди дека со генералниот секретар на НАТО, Марк Руте, во Давос договорил „рамка на идниот договор“, меѓутоа засега не е целосно јасно што би опфаќал тој договор и колку се одминати преговорите.

Embrace the penguin. pic.twitter.com/kKlzwd3Rx7

— The White House (@WhiteHouse) January 23, 2026