Поранешниот пејач и познат скопски угостител Адријан Гаџа за првпат стана родител. Радосната вест ја сподели на својот инстаграм-профил преку фотографија на која се гледаат рацете на мајката и новороденчето, кое го нарече својот „мал ангел“.

Иако Гаџа во објавата не го откри официјално полот на приновата, во честитките од неговите блиски пријатели, колеги и соработници доминираат пораки што укажуваат дека семејството добило машко дете.

Адријан , кој неодамна го прослави својот 42-ри роденден, долги години важеше за една од најпознатите пејачи на македонската и регионална музичка сцена. Сепак, во последниот период тој речиси целосно се повлече од музиката, фокусирајќи ја својата енергија на угостителскиот сектор во Скопје.

Својот приватен живот пејачот отсекогаш го држеше подалеку од очите на јавноста. Токму затоа, големо внимание привлече неговата неодамнешна објава на која за првпат ја покажа својата партнерка, со што стана јасно дека парот се подготвува за новото поглавје во животот. Овој среќен настан доаѓа како круна на неговата професионална и лична трансформација, додавајќи ја родителската грижа како негов врвен приоритет во периодот што следува.