Возачот на Формула 1, Пјер Гасли денеска стана нов косопственик на францускиот фудбалски клуб, Версај.

Версај е клуб кој се натпреварува во третата лига во Франција и во овој момент се наоѓа на десеттата позиција на табелата.

„Воодушевен сум што се приклучувам на Версај бидејќи секогаш сум сакал да бидам дел од професионалниот фудбал. Ова е почеток на една убава приказна“, изјави Гасли.

Покрај Гасли двајцата косопственици се Александар Муљез и Фабијан Лазаре. Муљез минатата година влезе во клубот, токму кога Версај поминуваше низ голема финансиска криза.

„Убеден сум дека нашата соработка ќе донесе многу радост на навивачите. Како долгогодишен фан на Формула 1 среќен сум што ќе го имаме Пјер на наша страна. Верувам дека ќе ни помогне да ги оствариме нашите цели“, изјави Муљез.

Засега не се открива со колкав удел Гасли стана дел од сопственичката структура.