Фон дер Лајен: За Северна Македонија се предвидени 119 илјади вакцини
Претседателката на Европската Комисија, Урсула фон дер Лајен на Твитер соопшти дека од ЕУ за Северна Македонија ќе бидат доставени 119 илјади дози вакцини, јави дописничката на МИА од Брисел.
– Ние сме покрај нашите партнери од Западниот Балкан, како што му кажав на Зоран Заев, 119 000 дози вакцини ќе стигнат во Северна Македонија од мај до крајот на август. Во ова сме заедно, наведе Фон дер Лејен во објавата на Твитер.
Ние сме покрај нашите партнери во Западен Балкан, како што му реков на @Zoran_Zaev.
119.000 дози на вакцини ќе стигнат во Северна Македонија од мај и до крајот на август. ??
Во ова сме заедно.
— Ursula von der Leyen (@vonderleyen) April 20, 2021
Овие вакцини се дел од 651-та илјада дози на „Фајзер” наменети за здравствените работници и ранливите групи од земјите од Западен Балкан, што ќе бидат набавени со финансиски средства на ЕУ и испорачани во државите од регинот од мај до август.