ФИФА: Немаше наместени натпревари на Светското првенство во Катар
Аргентина го освои Светското првенство во Катар, а ФИФА соопшти дека не нашла индикации за „манипулации“ или какви било нерегуларности на натпреварите.
Имено, работната група за интегритет внимателно ги прегледуваше снимките од 64 одиграни натпревари на Светското првенство за да види дека нема ништо сомнително.
Во доставениот извештај се тврди дека вакви случаи не се идентификувани, стои на сајтот на светската куќа на фудбалот. Беше наведено дека ФИФА ќе продолжи да работи на развој на стратегија во борбата против манипулациите во фудбалот.
Анализирани се легалните пазари за обложување, спроведени се бројни истраги во повеќе јурисдикции и прегледан е надзорот на терените за натпреварување за да се спречи каков било обид за манипулација на натпреварите.
Да потсетиме, „гаучосите“ во мечот за трофеј ја совладаа Франција и по трет пат ја освоија титулата светски првак.
ВИДЕО: Ришарлисон го има најубавиот гол на Светското првенство во Катар