Словачкиот премиер Роберт Фицо решително ги негираше наводите на бриселскиот портал „Политико“ дека наводно изразил загриженост за менталната состојба на американскиот претседател Доналд Трамп, пренесуваат медиумите во регионот.

За потсетување, „Политико“, повикувајќи се на пет анонимни европски дипломати, објави дека минатата недела Фицо им кажал на лидерите на Европската Унија на самитот дека средбата со Доналд Трамп го шокирала поради состојбата на умот на американскиот претседател.

Според двајцата дипломати, Фицо го употребил зборот „опасно“ за да го опише впечатокот што американскиот претседател го оставил врз него за време на нивната средба на 17 јануари на имотот на Трамп во Мар-а-Лаго во Флорида.

Фицо оцени дека „Политико“ се обидува да ги поткопа конструктивните односи на Словачка со другите земји и дека, како што изјави, овој медиум е меѓу оние кои борбата за националните интереси и изразувањето на сопствените ставови го сметаат за „злосторство“.

Додаде дека, поради ваквите ставови, често е цел на критики од редакцијата на овој весник.

https://www.slobodenpecat.mk/ca/fico-izrazi-zagrizhenost-za-psiholoshkata-sostojba-na-tramp/