Кошаркарите на Феникс во првото учество на завршниот турнир во Купот “Благоја Георгиевски-Буштур“ откако во четвртфиналето го декласираа Работнички со 74:49.

Најтрофејниот кошаркарски колектив во Македонија, кој се наоѓа во финансиски проблеми, имаше сили само за едно полувреме. Неизвесноста беше присутна во првото полувреме кое заврши со 30:28 за Феникс.

Феникс сите дилеми околу победникот беа решени во третата четвртина во која направи серија од 21:3 за недостижни 53:37. До крајот на натпреварот кошаркарите на Феникс остварија убедлив триумф од 74:49.

Андреј Митревски со 18 поени и Двејн Морган со 14 поени беа најпрецизни во победничкиот тим, додека Горјан Марковски со 13 и Павел Данаиловски со 11 поени беа најефикасни кај Работнички.

– Играчите влегоа малку опуштено во натпреварот, поради тоа имавме мали проблеми во првото полувреме. Во второто одиграа посериозно и како резултат на тоа дојде убедливата победа. Не сме размислувавме за дуелот со МЗТ Скопје. Но ние сме дебитанти во ова натпреварување и нè чувствувавме никаков притисок. Имаме млада екипа, па ќе видиме што ќе се случи -изјави тренерот на Феникс, Денис Дервишевиќ.