На последното Генерално собрание на Европската асоцијација на клубови (EЦА), најдобрите европски тимови се сретнаа за да дискутираат низа важни прашања, меѓу кои и сè поголемото оптоварување на фудбалерите поради згуснатиот календар.

Иако темата формално не беше дел од дневниот ред, делегатите водеа неформални разговори за можноста за воведување шеста измена во текот на натпреварот, како и проширување на играчкиот кадар на 28 фудбалери што е за три повеќе од актуелниот максимум од 25.

Сепак, за каква било промена да биде официјализирана, ќе биде потребна препорака од Меѓународниот фудбалски борд (ИФАБ), телото задолжено за носење на правилата во светскиот фудбал. Засега не е јасно дали ваквите иницијативи ќе добијат поддршка.

Ќе потсетиме, правилото за пет измени првпат беше воведено во Премиер лигата во 2020 година, кога сезоната беше продолжена по прекинот предизвикан од пандемијата со ковид-19. Во сезоната 2020/21 беше вратено старото правило со три измени, но веќе две години подоцна, петте измени станаа нов стандардни во европскиот фудбал.

PREM managers could soon be able to make SIX substitutes every game – and select from 28-man squads https://t.co/MOj44NdxN7https://t.co/CZpcIi9EVV

— Irish Sun Sport (@IrishSunSport) October 15, 2025

Преземено од: Спорт.ком.мк