Селекцијата на Фарски Острови која ги собра симпатиите со своите настапи на ова Европското првенство не успеа да приреди изненадување против Полска и беше поразена 32:28.

Дебитантот на Европското првенство можеше да се надева на пласман во следната фаза со триумф, меѓутоа денес веројатно беше клучно искуството на Полска. Изедначено беше во најголем дел од натпреварот, а на пауза се замина со 15:15.

Во завршницата Полска беше подобра на теренот и не дозволи изненадување. Сичко и Шипаж беа најефикасни со по девет гола кај Полска, додека Теигум за Фарски Острови постигна десет, девет имаше Елфсен.

Чешка во натпреварот за престиж и борбата за третото место убедливо ја совлада Грција со 29:20 и така го заврши ЕП со победа. Натпреварот тука беше решен уште во првото полувреме кое Чешка го доби со 15:8.

Босна и Херцеговина одигра уште еден слаб натпревар и го заврши настапот со три порази. Грузија која како и Фарски Острови беше дебитант ги победи со 22:19.