Македонскиот шампион Еурофарм Пелистер го продолжи процесот на доведување на млади македонски ракометари.

Давид Брестовац е нов член на битолскиот клуб и се обрвза на две ипол годишен со „зелено-белите“. Се работи за 20-годишен голман, кој доаѓа од ракометно семејство, и веќе има меѓународно искуство.

Бранејќи за Котбус и Волф Вирцбург, Брестовац стекна драгоцени минути во нозете. Тој се наметна и носејќи го дресот на македонската младинска репрезентација, со која настапи и на големи натпреварувања. Инаку, Давид е син на Данило Брестовац, поранешниот селектор на македонската репрезентација кој во кариерата на ракометните терени исто така беше голман.

Брестовац веднаш ќе се приклучи на екипата и ќе му се стави на располагање на стручниот штаб.