Екипата на Еурофарм Пелистер е победник на вториот меморијален турнир во ракомет „Крсте Андоновски“ кој се одржа во Охрид.

Актуелниот македонски шампион во финалето на турнирот го совлада Олимпијакос од Грција со резултат 27:24.

Играчот на Еурофарм Пелистер Ненад Костески е прогласен за најкорисен играч на турнирот (МВП).

Клубот од Битола во претходните натпревари од турнирот славеше против РК Бутел Скопје (32:21) и Татран Прешов од Словачка (29:24), а загуби од Металопластика од Србија со 26:27.

Претходно во драматичен натпревар за третото место, кој заврши со пенал рулет, ГРК Охрид загуби од Татран Прешов 33:32. Словаците го освоија третото место, а ркаометарите на Стевче Алушовски завршија на четвртата позиција на силниот турнир пред Металопластика, турскиот Бешикташ, Голден Арт и Бутел.