Со решение на министерот за здравство Фатмир Меџити по оставката на доктор Александар Обедниковски, за нов в.д. директор на Клиничката болница во Битола е именувана д-р Елизабета Ивановска, супспецијалист пулмолог.

Д-р Елизабета Ивановска во претходниот период беше началник на Интерното одделение.

По двата случаи во кои починаа шестгодишно девојче и новороденче, директорот на Клиничката болница, д-р Александар Обедниковски вчера ја најави оставката.

Тој за „Слободен печат“ потврди дека се повлекува и вели дека тоа го прави од морални причини,

Во врска со случајот со починатото новороденче во Клиничка болница Битола, Министерството за здравство денеска информираше дека Државниот санитарен и здравствен инспекторат врши вонреден инспекциски надзор.

„Комисијата е излезена на терен и во тек е надзорот за утврдување на текот на лекувањето на починатото новороденче. Истовремено е формирана и комисија за стручен надзор, составена од двајца специјалисти гинеколози, неонатолог, анестезиолог, како и претставник од Министерството за здравство“, соопштија од таму.

Утре протест со сирени пред Битолската болница за смртта на Јана