ВИДЕО | Експлозии и судири во Боливија — рудари бараат оставка од претседателот
Дел од демонстрантите директно побараа оставка од претседателот Паз, кој е на функцијата само шест месеци. Тој победи на изборите со ветување дека ќе ја стабилизира економијата и дека ќе спроведе пазарни реформи.
Жестоки судири меѓу рудари и полицијата избиjа во центарот на боливиската престолнина Ла Паз, каде демонстрантите бараат оставка од претседателот Родриго Паз, објави „Ројтерс“.
Препорачано
Тензиите ескалирале кога групи рудари се обиделе да стигнат до плоштадот „Муриљо“, каде се наоѓа претседателската палата. Според изјавата на сведоци на настанот, за време на хаосот се слушале експлозии, а дел од демонстрантите фрлале динамит кон полициските кордони.
#Nuestramérica🌎🇧🇴 Bolivia. Crecen los enfrentamientos y la encrucijada política en un capitalismo que, parece, no era para todos, y un pueblo cansado de miseria, corrupción y represión. pic.twitter.com/jPqjPtXvEj
— PIA Global (@PIAnoticias) May 15, 2026
Протестите доаѓаат во период на сè подлабока економска и енергетска криза во Боливија. Рударските синдикати бараат поголем пристап до гориво и експлозив, промени во договорите и нови регулативи за рударскиот сектор.
На улиците излегоа и земјоделци и други синдикални групи, незадоволни од растечките цени, недостигот на долари и од падот на домашното производство на енергија.
Дел од демонстрантите директно побараа оставка од претседателот Паз, кој е на функцијата само шест месеци. Тој победи на изборите со ветување дека ќе ја стабилизира економијата и дека ќе спроведе пазарни реформи.
Day 3 of Bolivia's general strike demanding the resignation of neoliberal President Rodrigo Paz.
All major highways blocked by protesters. An indigenous long march is heading to the capital, as it passes through each town and village more people join. pic.twitter.com/FQxNDTQtP6
— Ollie Vargas (@Ollie_Vargas_) May 14, 2026
Боливиските власти соопштија дека веќе се воделе разговори со протестантите за субвенциите за гориво, социјалната помош и за измените на аграрниот „закон 1720“, кој претходно беше повлечен по притисок од домородните и од руралните организации.
Непосредно пред судирите, околу 20 претставници на рударите влегле во претседателската палата на итна средба со претседателот Паз и со дел од министрите, според „Ројтерс“.
Директорот на ЦИА слетал во Хавана, се сретнал со првиот човек на кубанската полиција
