Економската директорка на Заводот за физикална медицина пријавила злоупотреби, па ја прераспределиле на друго место!
Организациската директорка на Заводот за физикална медицина и рехабилитација во Скопје, Миранда Шабани до Министерството за здравство доставила известување со одредени наводи за злоупотреби во Заводот.
Дописот со останатиот материјал доставен до Министерството за здравство, ќе се разгледа и ќе се постапи во рамки на законот. Што се однесува до мандатот на Шабани, на неа мандатот нема да ѝ се продолжи и ќе се прераспредели на друго работно место, велат од Министерството за здравство за „Слободен печат“.
Инаку, утринава десетина новинарски екипи чекаа еден час пред капијата на Заводот за физикална медицина и рехабилитација во Козле.
Дел од вработените најавија штрајк, па се пишманија, или пак им беше задушен протестот и не излегоа надвор иако ги викнаа сите медиуми. Обезбедувањето доби наредба од директорот да не ги пушта новинарите и снимателите внатре. Според информациите што беа наведени во повикот за штрајкот, вработените не зеле плата.
Ама меѓу нив денес немаше јунак да го потврди тоа пред камера.
Директорот Мики Филев на телефон ни кажа дека сме грешка и дека не е тој на другата страна на линијата, а директорката Миранда Шабани писмено рече дека ќе одговори на прашањата зошто нема плата и дали е разрешена. До овој момент Шабани нема одговорено на новинарските прашања.