Во сообраќајна несреќа што се случила синоќа кај селото Ратавица загина 56-годишен жител на Кочани, соопшти Министерството за внатрешни работи.

Според информациите, во несреќата повредени се уште две лица.

„На 11 мај во 21:28 часот во СВР Штип било пријавено дека на регионалниот пат во селото Ратавица, кај местото викано „Глобица“, се случила тешка сообраќајна несреќа. Во несреќата учествувале патничко возило „југо“ со пробиштипски регистарски ознаки, управувано од Г.С. (56) од Кочани и патничко возило „пежо“ со кочански регистарски ознаки, управувано од А.М. (29), исто така од Кочани. Со тешки телесни повреди се здобил возачот на „југо“, кој бил пренесен во Клиничка болница Штип, каде подоцна им подлегнал на повредите. Смрт констатирал лекар. Телесни повреди добиле сопатникот С.С. и возачот на „пежо““ соопшти МВР.