Ѕвездата на „Емили во Париз“ проговори за борбата со леукемија
Ѕвездата на хит серијата „Емили во Париз“, чија трета сезона пристигнува на Нетфликс на 21 декември, актерката Ешли Парк проговори за драматичното време кога на 15-годишна возраст ѝ била дијагностицирана акутна миелоидна леукемија.
View this post on Instagram
Актерката откри како дијагнозата на акутна миелоидна леукемија кога имала 15 години влијаела на нејзиниот пристап кон здравјето и животот. Иако сега како 31-годишна девојка, закрепнала откако во тинејџерската доба поминала речиси една година во болница каде што била подложена на ригорозна хемотерапија, Парк вели дека тоа што 1 било кажано што смее, а што не може да прави во тие критични моменти, била нејзината најголема мотивација.
„Штом ракот физички го напушти моето тело, мојата мисија беше да не дозволам да влијае на мојот живот. Не сакав тоа да ме дефинира. Луѓето беа многу загрижени за мене, а јас станав личност која во глвата има само мисла: ‘Добро сум. Не грижите се за мене. Ќе го правам што го сакам’“, рекла таа во интервјуто за дигиталниот магазин „Шејп“.
View this post on Instagram
Парк, добиената инспирација по победата на ракот ја искористила за изведба на осум до девет претстави неделно на сцената на Бродвеј на самиот почеток на својата актерска кариера. Од искуството научила дека треба да се грижи за своето здравје за уште посилно да ита кон своите соништа.
„Кога толку многу настапувате, сфаќате дека вашето тело е ваш сад – тоа е ваш инструмент. Значи, мора да го третирате како таков и многу да се грижите за него“, рекла таа. Иако правела сè, од јога до трчање, пилатес и танцување, денес таа е најмногу фокусирана на „секојдневното движење“.
„Тоа понекогаш може да биде тешко со мојот распоред за снимање, па научив дека, за да останам мотивирана, морам да го приспособам типот на физичка активност на мојот живот во кој било момент“, објаснила таа, додавајќи дека денес е фокусирана на урамнотежена исхрана со акцент на растителната храна.
View this post on Instagram
