Направете ги овие маски и победете ги темните кругови околу очите…

Подочниците се порака дека нашето тело трпи некои промени, најчесто се последица на замор и непроспиени ноќи.

Некои луѓе се поподложни на нив од другите, а сето тоа влијае и на изгледот на лицето. За да се ослободите од непријатните темни кругови околу очите, направете ги овие две природни маски.

Маска со компир

Компирот е полн со витамини и минерали кои го отстрануваат заморот на кожата од лицето, подочниците и брчките. Станува збор за зеленчук кој го освежува и го омекнува тенот и одговара на било кој тип на кожа.

Овој третман е одличен во случај очите да ви се црвени и водени од премногу време поминато на компјутер.

– компирот излупете го, измијте го и исецкајте го.
– нанесете свежи кришки на очите и оставете ги да стојат околу 15 минути.
– отстранете ги од очите и измијте ги со ладна вода.

Постапката можете да ја повторите наутро и навечер. На тој начин резултатот ќе биде уште повидлив, па подочниците ќе исчезнат за само една недела.

Маска со кафе и кокосово масло

– Помешајте малку кафе со неколку капки кокосово масло
– Со краевите на прстите, нанесете од смесата на подрачјето околу очите и втријте ја со нежни кружни движења.
– Оставете ја маската на лицето 10-15 минути, додека целосно да се исуши.
– Отстранете ја маската со помош на туфер или хартиени марамчиња.
– Измијте се на вообичаениот начин и доколку сакате нанесете на лицето хидратантна крема.
– Повторувајте ја постапката неколку пати неделно

Комбинацијата од кафе и кокосово масло ќе ви помогне да се ослободите, не само од подочниците, туку и од поткожните воспаленија и отоците.