Српскиот композитор Корнелие Ковач почина на денешен ден пред две години, а зад себе остави бројни музички композиции кои и ден-денес важат за вистински евергрини.

Неговите ќерки Александра и Кристина тргнаа по неговиот пат и изградија успешна кариера како пејачки и композиторки на забавна музика.

Александра денеска се присети на својот татко и му посвети емотивна објава на својот инстаграм-профил.

„Пред две години, на денешен ден, нè напушти Корнелие Ковач – најголемата музичка легенда која некогаш живеела на овие простори и мој татко.

Многу ми недостасуваш, сурово и неповратно. Ми недостасува да пеам додека ти свириш на пијано, бидејќи тоа секогаш ми беше неповторливо искуство. Се слушавме еден со друг, се чувствувавме во секоја нијанса од музицирањето и одевме на некое друго, вонвременско место каде што што бевме поврзани со невидлива нишка, направена од љубов и музика.

Ми недостасува да ми се јавиш за да провериш како сум, да те бакнам во чело и со часови да слушам како свириш. Но, најмногу од сè ми недостасуваат твојата насмевка, силата, добрината, љубовта и смиреноста.

Те сакам до крајот на музиката и назад“, напиша Александра на својот инстаграм-профил.

Почина легендарниот композитор Корнелие Ковач