Душко Тошиќ има коронавирус: По обвинението од Јелена Карлеуша, човекот претрпе огромен стрес
Поранешниот фудбалер Душко Тошиќ и сопруг на пејачката Јелена Карлеуша, позитивен е на коронавирусот и има воспаление на белите дробови.
Како што пренесоа повеќе српски медиуми, Тошиќ имал потежок облик на воспаление на белите дробови, но не е познато каде и кога се заразил, ниту дали е хоспитализиран.
Неговата сопруга Јелена Карлеуша на Божиќ го пријави во полиција тврдејќи дека ја удрил двапати и ја плукнал во лице. Поранешниот репрезентативец на Србија потоа самостојно отишол во полициската станица и дал изјава. Му беше изречена итна забрана за приближување на пејачката и му беше продолжена 30 дена.
Тој изјави на својот инстаграм профил дека неговиот приватен живот не е работа која треба да се влече по интернет.
„Моето име, лик и дело треба да се појавуваат исклучиво во врска со спорт и хуманитарни дела. Нажалост, тоа не е случај и морам да се обратам до сите на овој начин. Секаде сум претставен како насилник, иако не подддржувам насилство ниту се служам со него. Оние што ме познаваат, знаат дека сум човек кој секогаш се труди да биде господин. Ќе останам доследен на себеси и ќе ги игнорирам измислиците. Ќе чекам да помине овој лош ветер против мене“.