Германија бележи рекордна бројка од 962 смртни случаи во последните 24 часа, една недела по воведувањето на строгите затворања што принудија затворање на повеќето продавници, фризери и другите услужни дејности.

Вкупно 27.968 смртни случаи се пријавени во земјата, според Институтот за заразни болести Роберт Кох (РКИ).

Претходниот рекорден дневен биланс на смртност бил 952 пациенти, пријавени на 16 декември на денот на влегувањето во сила на затворањето.

Германија релативно добро управуваше со пандемијата ковид-19 во првиот пролетен бран во споредба со другите европски земји.

Но, последните месеци се забележува нагло зголемување на бројот на заболени и смртни случаи, и обидот да се намали бројот на заразени со делумно затворање, во кој продавниците и училиштата останаа отворени, пропадна во ноември.

Источногерманската провинција Саксонија е сериозно погодена од вториот бран и забележала најголем број на смртни случаи по глава на жител за време на пандемијата, со околу 57 смртни случаи на 100.000 жители.