Кошаркарите на Дубаи поведоа со 1:0 во финалната серија од АБА-лигата. Тимот на тренерот Александар Секулиќ го победи бранителот на трофејот, екипата Партизан со резултат од 99:93.

За белградскиот тим ова беше петти меч во Дубаи во сите натпреварувања и сè уште нема ниедна победа.

Дубаи одигра одличен меч и имаше постојано водство, а на паузата замина со предност од девет поени (53-44). Партизан во вториот дел малку се созема и ја доби во своја полза третата четвртина, но потклекна во последниот период, препуштајќи му го триумфот на мотивираниот ривал. Дубаи имаше во три наврати и +15, со што јасно стави до знаење дека е порасположен од српскиот претставник.

Муса со 22 поени беше најефикасен на натпреварот, додека пак кај Партизан се истакна Браун со 20 поени.

Партизан ќе има можност за „брејк“ во сабота од 18:00 часот, за кога е закажан вториот натпревар, исто така во Дубаи.