Општина Кавадарци, Противпожарната служба и Дирекцијата за заштита и спасување денеска упатија апел редовно да се проверува противпожарната хидрантска мрежа од страна на сите правни субјекти, институции, училишта и болници.

Тие потсетија на Законот за заштита и спасување, правилниците за технички нормативи за хидрантска мрежа за гаснење на пожар и за начинот на одредување на местата на кои задолжително треба са се наоѓаат уредите и инсталациите за заштита од пожари, другата противпожарна опрема, средствата за гасење на пожар и противпожарните апарати, нивното одржување во исправна состојба, посебното обележување и достапноста за употреба.

Притоа нагласија дека според правилникот за одржување на хидрантската мрежа, правните субјекти се должни да извршат контрола на хидрантската инсталација најмалку еднаш годишно.