Државата ќе биде гарант на фирмите за полесно да можат да земат кредит во комерцијалните банки, а државната гарантна шема треба да започне да профункционира до крај на годината, најави министерот за финансии, Фатмир Бесими на средба со стопанствениците во Economic Chamber of Macedonia Стопанска комора на Македонија.

Министерството за финансии со 10 милиони евра ќе гарантира неколкукратно повисоки суми на кредити за малите и за средни претпријатија. Гарантната шема ќе оди преку Развојната банка, додека средствата ќе се пласираат преку комерцијалните банки.

Фатмир Бесими посочи дека со оваа мерка ќе се подобри ликвидноста на компаниите, ќе се олесни можноста за реализација на тековните активности, но и ќе се поттикне инвестициската активност, што е суштинска за раздвижување и ревитализација на економијата.