Во Центарот за управување со кризи (ЦУК) во 13:11 часот на Единствениот број за итни ситуации 112 е пријавено дека автомобил „Голф“ паднал во коритото на Прилепска река кај мостот „Кочо Рацин“.

Од Регионалниот ЦУК Битола контактирале со противпожарната едници од Прилеп и добиле известување дека имаат екипа на местото, како и од Итната медицинска помош Прилеп и дека во возилото имало две лица кои се извлечени. На терен, согласно ситуацијата, била излезена и полициска екиа од Полициската станица Прилеп.

Едното од лицата е неповредено, додека другото било повредено и веднаш е транспортирано со Брза помош во прилепската болница, и e надвор од животна опасност.

Конкретно, ЦУК има информација од МВР Прилеп дека ангажираните екипи од Системот за управување со кризи (СУК) сѐ уште се на терен и е повикана „шлеп“-служба за извлекување на возилото.