Во април Доли Паттон изјави дека ќе донира еден милион американски долари на Универзитетот Вандербилт за истражување на лек за коронавирус. Повеќе од седум месеци подоцна, беше откриено дека донацијата на легендарната кантри пејачка ќе биде пренасочена во финансирање на вакцината „Moderna“.

Според нејзините објави на социјалните мрежи во април, нејзиниот долгогодишен пријател д-р Наџи Абумрад ја известил дека напредуваат во истражувањето за пронаоѓање лек за коронавирусот во Внадербилт.

Од компанијата што работи на вакцината „Moderna“ во понеделникот изјавија дека прелиминарните податоци покажуваат дека нивната вакцина се чини дека е ефикасна дури 94,5% обезбедувајќи надеж за време на напливот на вируси низ целиот свет. Пред една недела конкурентот „Pfitzer Inc“ објави дека нивнта вакција е слично ефикасна, вест што ги става двете компании на вистинскиот пат да бараат дозвола во рок од неколку недели за итна употреба на вакцина.

Името на пејачката Партон се појавува во прелиминарниот извештај за вакцината меѓу спонзорите, вклучувајќи го и Националниот институт за алергија и инфективни болести, кој го предводи д-р Ентони Фаучи.

„Кога го започнавме фондот, се надевав дека можеби ќе најдеме некои лекови или што и да е, но сега се чини дека веројатноста е многу поголема и јас сум благодарна што се случува ова“, изјави Доли Партон.

Пејачката исто така ги охрабри сите што можат да си дозволат, да се приклучат со свои донации.