Актерот Долф Лундгрен (65) и неговата партнерка Ема Кордал (27) направија интимна венчавка во вилата на Миконос. Тие го кажаа своето судбоносно „да“ пред членовите на семејството и неколку блиски пријатели минатата недела, пишува „Пипл“.

Поради пандемијата на коронавирус и битката на Лундгрен со ракот, двојката неколку пати морала да го поместуваат датумот за овој свечен момент.

„Почувствувавме дека конечно дојде време да ги славиме љубовта, животот и среќата, во земјата на боговите“, изјавиле тие.

Актерот неодамна откри дека веќе осум години се бори со рак на белите дробови и верува дека неговата употреба на стероиди во младоста е виновна.Во едно интервју изјавил дека особено проблематичен бил туморот на црниот дроб, кој пораснал до големина на лимон. Прогнозата не била добра, а еден лекар му рекол на актерот дека му остануваат само уште две до три години живот.

Инаку, на актерот роден во Стокхолм ова ќе му биде втор брак. Со поранешната сопруга Анет Квиберг има две ќерки Ајда Сигрид Лундгрен (27) и Грета Евелин Лундгрен (22).