Скопјани уште оваа недела имаат можност за отплата на заостанатите долгови за вода  на рати и без пресметка на камата за задоцнето плаќање. Ова можат да го направат најдоцна до петок, 5 јуни, по што одлука на ЈП „Водовод и канализација“ престанува да важи.

Ги повикуваме сите корисници кои имаат заостанат долг за потрошена вода (тужен и редовен), да ја искористат можноста за плаќање на рати без пресметана камата, велат од претпријатието.

ФОТО | Јавна фонтана за пиење вода се претворила во јавен пепелник

Одлуката за спроведување на акцијата за отплата на заостанатите долгови без пресметка на камата не важи за органите на државната и локалната власт и другите државни органи основани согласно Уставот и со закон и институциите кои вршат дејности од јавен интерес утврден со закон, а организирани како агенции, фондови, јавни установи и јавни претпријатија основани од Република Македонија или од општините, од градот Скопје, како и од општините во градот Скопје.