Горивата од полноќ драстично поскапуваат – цената на дизелот се зголемува за 14,5 денари по литар, што е најголемиот скок досега, од над 20 проценти. Литар дизел од утр ќе се продава за 85,5 денари за литар, објави Регулаторната комисја за енергетика (РКЕ).

Бензините Еуросупер БС-95 и Еуросупер БС-98 поскапуваат по пет денари и ќе чинат 79,5 односно 81,5 денари по литар.

Големо поскапување има и кај екстралесното масло за домаќинство (ЕЛ-1), кое поскапува за 12,5 денари и литар од утре ќе се продава за 82,5 денари.

Мазутот М-1 НС, пак, поскапува за 7,044 денари по килограм, објави РКЕ.

Ова поскапување на горивата се случува откако нагло пораснаа цените на суровата нафта на светските берзи, поради американско-израелскиот напад врз Иран и кризата на Блискиот Исток.

Повеќе бензиски пумпи по 22 часот не точат гориво