Шефот на црногорската гранична полиција Васко Аковиќ поднесе оставка затоа што патријархот Порфириј влегол во земјава без контрола и евиденција, пишува црногорската ЦДМ.

Во Подгорица, црногорскиот премиер Дритан Абазовиќ и Порфириј ненајавено го потпишаа Основниот договор меѓу владата и Српската православна црква (СПЦ).

Миодраг Влаховиќ, претседател на Црногорскиот Хелсиншки комитет, на Твитер ја коментираше оставката на шефот на граничната полиција. Тој изрази почит кон Аковиќ за неговата одлука да поднесе оставка.

“Regionalni šef granične policije Vasko Aković podnio je danas ostavku na to mjesto zbog toga što je patrijarh Crkve Srbije Porfirije Perić sa kompletnom delegacijom ušao i izašao iz Crne Gore bez ikakve kontrole i evidencije.”🇲🇪 Veliko poštovanje za ovog čovjeka! @MupCg @VladaCG

— Miodrag Vlahovic🇲🇪 (@Mico_Vlahovic) August 3, 2022

„Регионалниот началник на граничната полиција Васко Аковиќ денеска поднесе оставка од таа функција бидејќи патријархот на српската црква Порфириј со комплетна делегација влегол и ја напуштил Црна Гора без никаква контрола и евиденција. Голема почит за овој човек. напиша Влаховиќ на Твитер.

Неговата сестра Марина Аковиќ на социјалните мрежи ја коментираше оставката на Аковиќ. „Мојот брат Васко Аковиќ денеска поднесе оставка затоа што неговите колеги, на кои тој беше газда, му работеа зад грб и го организираа нелегалниот влез на патријархот во Црна Гора без официјална постапка. Црна Гора во најголем дел останува полутронирана, мизерна, продадена како што беше пред 100 години“, напиша таа на Фејсбук, пренесува ЦДМ.