Концепт кој подразбира чесно, професионално однесување пред се и работа исклучиво во интерес на граѓаните – е победничкиот концепт според потпретседателката на ВМРО-ДПМНЕ Гордана Димитриеска Кочоска.

Димитриеска Кочоска истакна дека програмата Платформа 1198 предвидува борба со сивата економија, како и ниски и рамни даноци укажувајќи дека не може едни да плаќаат а други да не плаќаат.

„Јасно ни е дека буџетот е ограничен. Но затоа може да има повеќе борба со сивата економија. Ниски и рамни даноци е наша политика која што и понатаму продолжува бидејќи мислиме дека тоа е единствен фер третман кон сите. Не може едни да плаќаат, а други да не плаќаат. А со борба со сивата економија, ќе имаме поголеми приходи во буџетот“, рече Димитриеска Кочоска.

Димитриеска Кочоска посочи дека Платформа 1198 подразбира и 250 милиони евра реалокација на буџетски средства во општините се со цел реализација на што поголем број за граѓаните и подобрување на квалитетот за животот.