Во центарот на Битола денеска се поставени семафори, кои ќе го регулираат сообраќајот кај хотелот „Епинал“. Семафорите, кои сè уште не се во функција, се поставени на крстосницата меѓу улицата „Димитар Илиевски-Мурато“ и Широк Сокак, која е дел од пешачката зона, објави Тера.

Дел од граѓаните реагираат дека со семафорите сега се стеснува сообраќајот за возилата, со тоа што остана по една лента од двете страни. На сметка на тоа продолжен е пешачкиот дел, односно со бела боја исцртани се пешачки острови како приоди до семафорите.

Но, некои сметаат дека со семафорите ќе се воведе ред во сообраќајот кај хотелот „Епинал“ каде досега се создаваа тесни сообраќајни грла.