Поранешниот потпретседател на САД Џо Бајден, кој е речиси сигурен кандидат на демократите на овогодинешните претседателски избори, првпат од средината на март излезе во јавнсо, и тоа по повод Денот на сеќавањето на загинатите воени ветерани.

Биден не излезе од својот дом во Вилмингтон, во државата Делавер, на некој јавен настан уште од дебатата со својот поранешен ривал за демократска номинација Берни Сандерс на 15. март.

Пандемијата на коронавирус го спречи Бајден во водењето на кампањата за претседателските избори, додека неговиот републикански противник, претседателот Доналд Трамп беше присустен и редовно излегуваше од Белата куќа.

Бајден со сопруга Џил положи венец на споменикот на воените ветерани од Втората светска војна и Корејската војна. Двајцата на лицето носеа маски.

„Пријатно е да се излезе од дома“, им рече на новинарите. Одржувајќи физичка дистанца, поздрави десетина ветерани и насобрана публика.

Бајден последните два месеца водеше кампања преку интернет, бидејќи граѓаните ширум Америка требаше да останат дома поради пандемијата од коронавирус.

Трамп овој викенд првпат играше голф, упатувајќи критики против Бајден и другите, во моментот кога бројот на мртви од коронавирусот во САД се доближува до бројката 100.000.

„Да се биде претседател е многу повеќе од твитање од возило за голф“, напиша вчера Бајден на Твитер.